打機
▲ Critical Hit x Exceptional Error
整天坐在電腦前打機，事前幻想或事後回想，或許會認為是一件樂事，但實際身處現場時，其實整個身體也在受著苦。手酸了，腰痛了，眼也乾了，但望著屏幕上的怪物，竟也渾然未覺，這是相當可怕的事。
這種可怕的事，應是我那代人的集體回憶吧。十多年前，當紙上版的 AD&D 變成了屏幕上的 Eye of the Beholder，那個荒誕的幻想世界，足以讓每個年輕人，用以逃避比它荒誕百倍的現實世界。冒險遊戲和角色扮演遊戲，從此在這代人的心中紮下了根。
這麼多年了，我也不懂得怎樣去玩好一個角色扮演遊戲。打爆機不代表玩得好，重點是怎樣有效率地去玩。我總是不懂得靈活運用道具去快速完成任務目的，卻總是浪費時間在無聊的重覆性工序之上－－打怪物是角色扮演遊戲的必然過程，但不應該是目的，但我卻選擇變成 Being-in-itself，以墮落的信念驅使自己，理智地認為這是一種樂趣。
多少的青春歲月，就在與怪物廝殺中悄悄遛走了呢？花盡心血省下來的金幣，如今又到了哪兒去？多麼偉大的遊俠，多麼珍貴的寶箱，在遊戲結束後，都只能靜靜地躺在軟碟的 0 與 1 中。十年回首，才發現早已忘記，上次與它們道別時到底是何時。
有時響公司做做下野，周圍總係好嘈。點解？因為大家要打機 Relax 下囉，其實咁都係人之常情黎既，有時做野做得咁辛苦，唔逃避一下個荒誕現實世界，點頂呀？通常呢，都係果邊玩 C&C 3，呢邊就玩 Winning 10，兩個網吧同時營業，論公司對員工完整人格發展既重視，本刊都應該算得上係雜誌界古狗啦卦？
我覺得踢波悶，又唔鐘意戰略，註定我無得走入網吧。一向以黎，我響公司玩黎玩去既 Online Game，都只係 BBS 個 Text Mode 大富翁，話晒 BBS 都係我大學時期個集體回憶，而家出到黎社會工作，間中做返 D 懷舊野，總係會有一種安全感。點知近幾個月 IT Department 為左保護大家免受病毒侵害，竟然將差唔多乜 Port 都 Block 晒，Telnet 又唔得，SSH 又唔俾，結果搞到呢個最能體現 Minimalism 既 Online Game 都無埋。本來呢，我仲想響公司整返個卡巴拉島玩下，諗住玩返自己最鐘意既角色扮演遊戲啦，工作做到悶時，打下怪物，鑽下道具，當做鬆弛下神經嘛。唉，點鬼知裝完先發現 Update 唔到最新 Patch，即係電腦部又唔俾我打機嗟。算囉，專心工作做個好員工囉，返屋企先打。
June 26th, 2007 at 8:26 pm
好懷念魔眼殺機, 要自己畫地圖的日子
June 27th, 2007 at 12:42 am
記不記得中二那年我們和另外兩個同學，在荃豐地庫夾錢買了一盒 AD&D 戰棋？這盒戰棋或許是日後令我們愛上魔眼系列的原因。
June 27th, 2007 at 2:14 am
需要開車嗎？
June 27th, 2007 at 3:02 am
如你能提供一個賽車 Game 連方向盤操控的網吧，我會立即加入。
June 27th, 2007 at 8:45 pm
我記得我地一齊買AD&D, 不過我唔記得同邊個夾錢買. 好似我最後無乜點玩過, 又要紙, 又要筆, 又要擲骰仔. 要用自既的幻想力黎描繪打怪獸的情況. 對我黎講始終都係打機比我的滿足感多D.
June 28th, 2007 at 2:23 pm
你真的迷上了卡卡啦
June 28th, 2007 at 7:54 pm
Alex：係呀，盒野只係玩過幾次，之後隨著我地興趣慢慢轉移至電腦 Game，盒野亦不知所終了。
Ranmajen：一日都係你啦，搞到咁多人浪費青春 XDDD
June 28th, 2007 at 8:40 pm
Online Game 只玩過 WOW，初初亦試過一日八個鐘無停過勁打，回想起來都覺自己有點傻。
以前BBS勁多人的日子真的令人懷念呢
July 3rd, 2007 at 10:39 pm
你中毒啦… 快點放棄卡巴拉島啦… 最衰係… ranmajen…
July 4th, 2007 at 3:01 am
唔准講 Rara 骨壞話！小心我請你行家告你誹謗 XDDD
July 4th, 2007 at 9:16 am
=_=
July 4th, 2007 at 6:18 pm
也不是在說她的壞話喲…
July 5th, 2007 at 2:09 am
ranmajen不上bbs2了
July 5th, 2007 at 4:01 am
可能是給機會大家贏取堅堅的獎金吧……
July 5th, 2007 at 9:33 am
什麼獎金?
July 5th, 2007 at 11:13 am
轉載：
為慶祝 rara 生日, 每位玩家只要於 rara 回歸之前在卡巴拉最高等級的一個角色的等級超過 Ranmajen 玩家, 可獲二次元幣 10,000,000 + 等級差距 x 1,000,000 之獎金.
同時亦可獲 50,000 公會積分.
(只限公會會員參與)
July 6th, 2007 at 12:42 pm
=_=
個個都爬我頭了…
July 8th, 2007 at 2:52 am
這是因為你放棄了的關係….
July 10th, 2007 at 11:57 pm
放棄呢樣, 得到其它0者